Një 22-vjeçar që përplasi me mjetin e tij një të moshuar është shpallur në kërkim nga policia. Ngjarja ka ndodhur ditën e djeshme, në lagjen 11 të qytetit të Durrësit. Nga blutë e qytetit bregdetar mësohet se i riu me iniciale E.Z. ka shtypur 74-vjeçaren dhe është larguar menjëherë nga vendi i ngjarjes.
E moshuara është dërguar me urgjencë në spital dhe aktualisht është jashtë rrezikut për jetën. Materialet procedurale janë dërguar prokurorisë së rrethit gjyqësor Durrës.