Maqedonia e Veriut rikthehet në lojë në pjesën e dytë përballë Ukrainës, në ndeshjen e Grupit C të Euro 2020. Pas dygolëshit në 5 minuta të skuadrës së Shevcenkos, ballkanasit kthehen fort pas rifillimit me Pandev që fiton një penallti në minutën e 57. Mesfushori me origjinë shqiptare Alioski e mori përsipër, me Buschan që kuptoi goditjen e tij, por topi mbeti tek Alioski që goditi saktë herën e dytë, duke e ngushtuar diferencën në 2-1.