Pas Italisë e Uellsit është koha që Grupi B dhe C të përcaktojnë skuadrat e tyre që do të shkojnë në 1/8 e Euro 2020. Ukrainës i duhet vetëm një barazim për të arritur vendin e dytë, ndërsa Austria duhet të fitojë për shkak të diferencës së golave. Ukraina ka një mesfushë dhe një sulm të pajisur me teknikë të mirë: Zinchenko, Malinovskyi, Yarmolenko dhe Yaremchuk janë një garanci. Nga ana tjetër, Alaba, Lainer, Sabitzer dhe Arnautovic janë pikat e forta të një ekipi kombëtar objektivisht pak brilant dhe inspirues. Vendi i parë në grup është në duart e Hollandës që duhet ta konsolidojë atë, gjithnjë nëse nuk kryen një vetëvrasje të paimagjinueshme kundër Maqedonisë së Veriut të Pandev. De Boer deri më tani ka sjellë më të mirën nga ekipi i tij pavarësisht kritikave ndaj sistemit të lojës. Sonte ai duket i vendosur të përqendrohet në një turn over të lehtë, duke i dhënë hapësirë edhe Malen, vetëm për të kënaqur protestuesit e tij që marrin me qira avionët të shoqëruar me banderola kushtuar trajnerit.
Një ditë vendimtare gjithashtu edhe në grupin B, me një Belgjikë të destinuar të përfundojë në vendin e parë kundër Finlandës, e cila, me një barazim, do të kishte shanse të mëdha për të arritur raundin e dytë. Martinez mund të zgjedhë një turn over që lë qendërsulmuesin e tij Lukaku pushim në funksion të ndeshjeve me eleminim direkt. Nga ana tjetër, Kopenhagen është gati të tërheqë ekipin e saj kombëtar në raundin tjetër. Duhet një fitore me të paktën dy gola diferencë në ndeshjen kundër Rusisë. Danimarka ka një dëshirë të madhe t’i kushtojë Eriksen arritjen në raundin e dytë. Gjysma e entuziazmit të treguar në pjesën e parë me Belgjikën do të ishte e mjaftueshme për të goditur në shenjë.
EURO 2020 – GROUP C
18:00 North Macedonia ? – ? Netherlands
18:00 Ukraine ? – ? Austria
EURO 2020 – GROUP B
21:00 Finland ? – ? Belgium
21:00 Russia ? – ? Denmark