Mediat e huaja kanë raportuar së fundmi detaje të reja nga intervista e Princ Harry dhe Meghan Markle.
Një burim ka treguar për “The Sun” , Princi Harry ra dakort për të zhvilluar intervistën me Oprah Winfrey vetëm pasi mësoi se kishte humbur titujt e tij ushtarakë. “Harry dhe Meghan ishin shumë të mërzitur para intervistës me Oprah, sepse ndarja përfundimtare nga familja mbretërore sapo ishte nënshkruar dhe përfshinte edhe që Harry nuk do të mbante më rolet e tij ushtarake. Kjo ishte ajo që e zemëroi kaq shumë. Ai është shumë emocional dhe rolet e tij ushtarake ishin shumë të rëndësishme për të, duke pasur parasysh se ai shërbeu për një kohë të gjatë,” –u shpreh burimi.