Një defekt në linjën 110 kv të nënstacionit “Shkodra 1” ka shkaktuar djegien e paneleve të ujësjellësit në Shkodër. Për këtë arsye, qyteti sot është zgjuar pa ujë të pijshëm. Drejtori i Ujësjellësit, Mark Molla, në një deklaratë për mediat është shprehur se dëmi është i konsiderueshëm, ndërkohë që shprehet se nga OST dhe OSHEE nuk ka përgjigje.
Vlera e dëmit mendohet se i kalon 200 000 lekë të reja. Pritet që deri në drekë të kryhet riparimi i defektit.