Alex Rodriguez u pa të shoqërohej me ish të dashurën e Ben Affleck, Lindsay Shookus. Ai ishte i pranishëm në festën e saj të ditëlindjes të shtunën, ndërsa në rrjetet sociale kanë qarkulluar video nga festa.
Në klip, Rodriguez është ulur afër Shookus në festën intime që u organizua në oborrin e shtëpisë së saj.
Shookus dhe A-Rod kanë një miqësi disavjeçare, por fakti që ata po kalojnë kohë së bashku këtë periudhë, është parë me shumë interes, duke pasur parasysh romancën e ringjallur të ish-ave të tyre, Ben Affleck dhe Jennifer Lopez.
Një përfaqësues i Rodriguez tha për Page Six se ata janë vetëm miq të mirë dhe asgjë më shumë.
“Atje nuk ka absolutisht asgjë. Ata kanë qenë miq për 15 vjet”, -tha përfaqësuesi i A-Rod.
Shookus dhe Affleck patën një lidhje që zgjati nga viti 2017 deri në 2019-n.
