Një operacion antidrogë është kryer në lindje të Ticino në Itali, ku pesë shqiptarë u arrestuan nga policia.
Dipas mediave italiane, të pesë personat u arrestuan nga Policia e Shtetit në Buscate nën akuzat e prodhimit dhe posedimit të drogës për ngritjen e një laboratori të madh të paketimit të marihuanës.
Ata janë shtetas shqiptarë, të bllokuar në mëngjesin e djeshëm nga agjentët e Komisionerit të Gallarate (Varese), pas një operacioni blic.
Në objekt agjentët gjetën mbi një mijë bimë marijuanë dhe 30 kg bimë të thata gati për paketim dhe 30 kg të tjera në tharje.
Droga u sekuestrua, si dhe armë zjarri dhe municione.