Këngëtarja Britney Spears së fundmi iu drejtua një gjykate në Los Angeles për padinë kundrejt babait të saj.
Ajo u shpreh se Jamie i ka hequr asaj mundësinë për të menaxhuar financat dhe bizneset dhe të drejtën për të patur fëmijë. Menjëherë pas deklaratës së saj , fansat dhe disa nga personazhet e njohur kanë reaguar duke ofruar mbështetjen e tyre, ndër to edhe ish partneri i saj , Justin Timberlake. Përmes rrjetit social,Twitter, Justin ka shkruar se pavarësisht të shkuarës së tyre, Britney ka të drejtën të vendosë vetë për trupin dhe jetën e saj”Pas të gjithave që kemi dëgjuar sot, ne të gjithë duhet të mbështesim Britney Spears. Pavarësisht nga e kaluara jonë, qoftë e mirë apo e keqe, ajo që po i ndodh asaj nuk është e drejtë. Ne kurrë nuk duhet t’i mohojmë asnjë gruaje të drejtën të vendosë për trupin dhe jetën e saj.Askush nuk duhet të burgoset kurrë kundër vullnetit të tij ose të kërkojë leje për të shpenzuar para që kanë fituar me punë të vështirë.Ne po i dërgojmë mbështetjen tonë Britney dhe shpresojmë që gjykata dhe familja e saj do ta lirojnë atë nga paraburgimi,” deklaroi Timberlake.