Shkon në 9 numri zyrtar i viktimave nga shembja e një ndërtesë 12-katëshe në Miami të Shteteve të Bashkuara.
Kryebashkiakja e Miami-Dade, Daniella Levine Cava tha se 4 nga trupat e gjetur ishin identifikuar, por janë më shumë se 150 njerëz që konsiderohen ende të zhdukur.
“Prioriteti ynë kryesor vazhdon të jetë kërkimi dhe shpëtimi i çdo jete që mundemi,” – u tha ajo gazetarëve.
Një pjesë e ndërtesës u shemb herët në mëngjes të enjten ndërsa shumë banorë flinin. Shkaku i shembjes mbetet i paqartë.
Raporti i një inxhinieri në 2018-ën i bërë publik të shtunën tha se ishte bërë një gabim që në projektin e ndërtesës. ©LAPSI.al