Ukraina ishte skuadra e tetë dhe e fundit e kualifikuar në çerekfinalet e Euro 2020 dhe tani dorashkat e sfidës janë hedhur nga të gjithë në përpjekje për të mos munguar në takimin e 11 korrikut në Wembley. Sigurisht me llogari të bëra Anglia, pasi u hakmorr ndaj Gjermanisë për atë 96 famëkeqe, ka krahun më të lehtë për të arritur objektivin finale, por skuadra e Southgate është edhe më e favorizuara ndër cerekfinalistët, duke qenë se nëse arrin të kualifikohet në sfidën e Olimpicos në Romë, do të ketë luksin ti luajë në shtëpi gjysëmfinalen e finalen e kompeticionit, duke u konsideruar praktikisht zot shtëpie në Wembley.
ÇEREKFINALET
(P.45) E premte 2 korrik 18:00 / Saint Petersburg
ZVICËR vs SPANJË
(P.46) E premte 2 korrik 21:00 / München
BELGJIKË vs ITALI
(P.47) E shtunë 3 korrik 18:00 / Baku
REPUBLIKA ÇEKE vs DANIMARKË
(P.48) E shtunë 3 korrik 21:00 / Roma
UKRAINË vs ANGLI
Asgjë nuk është e thjeshtë sigurisht dhe prezenca e Republikës Ceke, në vend të Hollandës, në përballjen me Danimarkën është tregues. Por sidoqoftë për Tre Luanët, nëse mundin Ukrainën në sfidën e 3 korrikut, është më komode të ndeshen me fituesin e Ceki-Danimarkë, se të gjente përballë një mes Italisë, Belgjikës, Zvicrës e Spanjës. Ky është edhe krahu më i komplikuar e për fatin e të tre pretendentëve mungon Franca, e eleminuar nga Zvicra. Beteja e vërtetë do të zhvillohet mes Belgjikës e Italisë, por ciladoqoftë ajo që do të shkojë në gjysëmfinalen e 6 korrikut do të gjejnë Spanjën, apo edhe Zvicrën kuotat e të cilëve janë rritur ndjeshëm pas fitores me kampionët e botës.
GJYSËMIFINALE
(P.49) E martë 6 korrik 21:00 / London
FITUESJA (P.46) vs FITUESJA (P.45)
(P.50) E mërkurë 7 korrik 21:00 / Londër
FITUESJA (P.48) vs FITUESJA (P.47)
Kështu nëse në këtë anë asgjë nuk mund të parashikohet me tre ndër katër pretendentë që sfidohen për të shkuan në Wembley, Anglia është më e kuotuara për tia dalë, me synimin e qartë për të sjellë në shtëpi kupën e parë kontinentale…
FINALE
(P.51) E dielë 11 korrik 21:00 / Londër
FITUESJA (P.49) vs FITUESJA (P.50)