Driblimet janë ato që krijojnë superioritet në numra e ekzaltojnë tifozët në stadiume e lojtarët që i bëjnë janë zakonisht ato më të preferuarit. E tashmë në Euro 2020 dribluesit më të mirë kanë renditjen e tyre, që ka rezervuar surpriza mes lojtarëve me përqindjen më të lartë të driblimeve deri tani.
Kështu, Kevin De Bruyne i Belgjikës ka tentuar vetëm 10 driblime, duke qenë i sukseshëm në 9 me një mesatare 90 %. Pas mesfushorit pozicionohet Nicola Vlasic me 11 në total, dy nga të cilat i ka gabuar, duke fiksuar një vend të dytë me 81.82% sukses. Sulmuesi ka lënë prapa shokun e tij të skuadrës Mateo Kovacic, që futet në podium me 14 driblime, 11 të arritura e 3 jo, për një mesatare prej 78.57%. Katër golat e Emil Forsberg kanë qenë product i 13 driblimeve, nga të cilat suedezi ka kryer me sukses 10, duke humbur vetëm 3 për një mesatare 76.92%. Nuk ka përqindjen më të lartë të driblimeve të arritura, por Frenkiee de Jong ka tentuar dhe ka qenë i saktë më shumë se kushdo: 21 driblime, 16 të arritura 5 jo për hollandezin, i pesti me 76.19%.
Në 10 më të mirët bëjnë pjesë edhe Paul Pogba me 12 në total e 9 të arritura, golashënuesi më i mirë aktual i Euro 2020 Cristiano Ronaldo 13 prova nga të cilat 8 të sukseshme, Breel Embolo që ka patur të drejtë në 10 nga 16 driblime, Renato Sanchez me 8 në 12, Eden Hazard me 5 dështime në 16 të tentuara dhe Alexander Isak me 8 të arritura në 11 prova. Klasifikimi ka marrë parasysh vetëm ata që kanë kryer më shumë se 10 driblime, në bazë të përqindjes së suksesit në to.