Leonardo Spinazzola në fluturimin e kthimit të kombëtares italiane nga Mynihu për në Firence ka qenë ndoshta i vetmi me zemrën e ndarë në dysh, mes ekzaltimit për gjysëmfinalen e arritur dhe dëshpërimit për dëmtimin. Por për të mos e lënë të mendonte gjatë për dëmtimin e pësuar në minutën e 79 të cerekfinales me Belgjikën, kanë menduar shokët e tij të skuadrës që në kor kanë mbështetur lojtarin e Romës në avion.
“Olé! Olé olé olé! Spina! Spina!” një kor i ngrohtë inkurajimi, një dëshmi e afeksionit dhe afërsisë në një moment të vështirë, që u bë menjëherë virale. E të mendosh që dikush nga tifozët belgë hodhi drejt tij edhe ndonjë shishe, ndërsa lojtarit i jepej ndihma e parë, ndoshta duke menduar se ishte një skenë për të fituar kohë.
Olé! Olé olé olé!
Spina! Spina! ???#Spinazzola #Nazionale ?? #Azzurri #VivoAzzurro pic.twitter.com/Y17PYrh8pX— Nazionale Italiana ⭐️⭐️⭐️⭐️ (@Vivo_Azzurro) July 2, 2021