• |
ide | kryesore

OBSH: Rritje rekord e numrit të rasteve me COVID-19 në Afrikë

-Instant, Arkiva, Planet

Organizata Botërore e Shëndetësisë (OBSH) njoftoi se në Afrikë vazhdon rritja e rasteve me koronavirusin e ri (COVID-19) dhe se java e kaluar ka qenë java më e rëndë sa i përket numrit të rasteve.


Drejtori rajonal i OBSH-së për Afrikën, Dr. Matshidiso Moeti, në konferencën e tij javore për media tha se kontinenti javën e kaluar ka thyer një rekord të ri duke kaluar kulmin e valës së dytë dhe se numri i rasteve ka shënuar rritje me 251 mijë në krahasim me javën e mëparshme.


Pasi informoi se rastet e reja janë rritur në javën e shtatë radhazi, Moeti tha se “Për Afrikën nuk është përjetuar ende më e keqja”.

Ai theksoi se vazhdon rritja e rasteve në 16 vende dhe se në këto vende ku vazhdon rritja është regjistruar varianti Delta. Moeti tha se kontinenti ka vështirësi në mbledhjen e informacionit lidhur me variantin e virusit.

Sipas tij, në Afrikë janë vaksinuar plotësisht 16 milionë persona dhe kjo korrespondon me 1.6 për qind të vaksinimeve në botë.

Numri i viktimave si pasojë e virusit në Afrikë ka tejkaluar 149 mijë ndërsa numri i rasteve mbi 5.8 milionë.

Lini një Përgjigje

Adresa juaj email s’do të bëhet publike.

Kthehu