Shoferi i minibusit që u aksidentua në Gramsh sot, ku humbi jetën një i ri dhe u plagosën disa të tjerë është arrestuar në spital. Urdhri i ndalimit i është komunikuar mbrëmjen e sotme në spital ku po merr trajtim për shkak të dëmtimeve që ka pësuar nga përplasja e fortë.
Shkak për aksidentit dyshohet të jetë bërë numri i madh i pasagjerëve. Mësohet se në automjet kanë qenë 7 pasagjerë mbi numrin e lejuar të ulur në stola në mes të sediljeve.