Me sa duket Gerard Piqué nuk e ka kapërcyer ende plotësisht eliminimin e Spanjës në Euro 2020. Mbrojtësi i Barcelonës ka bërë një tjetër ndërhyrje me ‘taka’ lart ndaj Italisë. Fillimisht komplimentat për ekipin e Mancinit në Twitter (“Fitoi me meritë Euro 2020. Urime, ekipi kombëtar më i mirë në të gjithë kompeticionin”), dhe më pas goditja: “Sigurisht, fakti që goditën përsëri të parët penalltitë i ndihmoi edhe njëherë. Kjo i lejoi të humbisnin një penallti, ashtu si kundër Spanjës, dhe të qëndronin gjallë”.
Humbja spanjolle dhemb akoma pasi kjo është goditja e dytë ndaj Italisë në pak ditë. Qendrori i Barcelonës tashmë kishte deklaruar, pas gjysmëfinales me Spanjën, se të kaltrit e Mancinit kishin qenë ‘të favorizuar’ te penalltitë, për faktin se goditën të parët nga pika e bardhë. Gjithashtu në mediat sociale, mbrojtësi shkroi: “Nuk është rastësi që katër ndeshjet që përfunduan me penallti në Euro 2020 dhe në Copa America u fituan nga ata që nisën të shkelmonin, nuk më duket e drejtë që një monedhë të bën të fillosh në disavantazh”.
Italia gana la @EURO2020 con merecimiento. Felicidades @Vivo_Azzurro! La mejor selección de toda la competición. Eso sí, el hecho de chutar primero en la tanda de penaltis le ha vuelto a ayudar. Le ha permitido fallar, como contra España, y aun así seguir viva en la tanda.
— Gerard Piqué (@3gerardpique) July 11, 2021