Kanë rezultuar negative edhe analizat mikrobiologjike të mostrave në rastin e helmimit të banorëve në Komunën e Deçanit. Këtë e ka konfirmuar Adnora Nurboja nga IKSHPK, me ç’rast rezulton se uji në Deçan, nuk është i infektuar, njofton RTK.
Lexo më tej: Qindra të helmuar në Kosovë/ Urdhër për të mos konsumuar ujin e pijshëm në Deçan
Ajo tutje ka shtuar për Klanin se pavarësisht këtyre rezultateve, ditëve në vazhdim do të merren sërish mostra për testim.
Analizat janë kryer në laboratoret mikrobiologjike të IKSHPK-së, për të mësuar nëse ky rast ka të bëjë me kontaminim.
Edhe drejtori i Institutit Kombëtar të Shëndetësisë Publike, Naser Ramadani kishte thënë se rezultatet që kanë dal fillimisht në lidhje me helmimin në Deçan nuk japin pistë se helmimi ka ardhur nga uji.
Ai theksoi se kjo nuk do të thotë se infeksioni nuk është nga uji por se analiza të tjera do të vazhdojnë të bëhen për të gjetur shkakun.
“Rezultatet laboratorike që kanë dalë sot flasin për momentin se nuk kemi asnjë pistë të helmimit hidrik. Por, kjo nuk do të thotë se nuk ka infeksione hidrike. Por, kjo do të dal pas analizave permanente si të ujit ashtu edhe të analizave të pacientëve. Do të informohemi me kohë”, kishte thënë ai.
Kujtojmë që komuna e Deçanit dje ka shpallur gjendjen e jashtëzakonshme për shkak të helmimit të mbi 1 mijë e 500 qytetarëve.
kaloni nje here ne klasen e trete per te mesuar si shkruhen numrat
MOS BLINI MALL MADE IN SERBIA SE DO IKNI PER LESH SVETLLANE
Ngrini sytë nga qielli njëherë, se mos po jua hedhin helmin nga ajri. Ato avionët evropian qe fluturojnë mbi Ballkan çfar nuk hedhin mbi kokat e njerëzve, lloj lloj helmesh. Thjesht një ide.
Sa gjynah qenke ti Miri
Ku e merr tagjin ti paemer?!