Rikthimi pas 9 vjetësh në Superiore nuk mund të jetë provizor e tek Dinamo e kanë patur një ide të qartë që në momentin që u përmbush, për të mos thënë që ishte pjesë e një projekti të mirëmenduar për ti kthyer klubit statusin që i takon. E kështu, e gjithë vëmendja u përqendrua menjëherë në një strukturë klubi e një vijë merkato që të ecin paralelisht e ku qershia mbi tortë ishte firma me Agim Ibraimin. Kapiteni i Kukësit mund të konsiderohet goditja më e fortë e Bluve në kërkim të një ringritje në kualitet, për tu prezantuar denjësisht në Superiore. Sulmuesi garanton gola e eksperiencë, për një skuadër që ka nevojë për të dyja, e që nuk i ka reshtur përforcimet për të qenë gati për sfidën e re.
View this post on Instagram
14 blerje, ndoshta shumë për një skuadër që të performojë menjëherë në nivele të larta, por të domosdoshme, duke parë diferencat që kanë nivelet e futbollit. Nga Kukësi erdhi edhe Besir Demiri, joly difensiv, i aftë të luajë edhe përpara mbrojtjes e Enis Gavazaj sulmuesi që operon në të dy krahët pa problem. E që Dinamo e kishte seriozisht mjaftoi edhe firma me Alexander Isaevskin, që me Vllazninë bëri aq mirë. Një njohje tjetër e Superiores ishte edhe ish-lojtari i Flamurtarit Goran Siljanovski e ai i Tiranës Lacinet Sidibe apo edhe të tjerët Patrik Bardhi e Dorian Kërciku. Blutë kanë siguruar portën me Romeo Harizajn, numrin 1 të Apolonisë e pjesë e kombëtares U21, ndërsa nga Korabi ka mbërritur golashënuesi më i mirë i dibranëve Xhuljano Skuka. Blutë kanë vënë nën kontratë edhe Abazaj, Haxhiun dhe dy lojtarë të ardhur nga kampionatet e huaja Stefen Chinedu e Alexander Sofranak për ti vënë teknikut Bledi Shkëmbi në dispozicion një skuadër me cilësi e me shumë zgjedhje e duke dhënë detajet e pagabueshme të një buxheti të rëndësishëm për të përballuar sezonin, duke qenë shumë më tepër se një skuadër që kërkon mbijetesë…
“Nendetese Blu”!!! Me ishte fiksuar se kishin nofken “Demat Blu”!