Është hedhur shorti në Gjykatën e Apelit për dosjen e ish-kreut të bashkisë Lushnje, Fatos Tushe. Kryesuese e trupës gjykuese për masën e sigurisë së Tushës është caktuar gjyqtarja Nertina Kosova. Seanca do të mbahet më 29 korrik. Ish-kryebashkiaku i Lushnjes akuzohet për ‘Shpërdorim detyre’, ka ndikuar në tenderin për pastrimin e një kanali.
Tushe i akuzuar nga SPAK për shpërdorim detyre ka apeluar pak ditë më parë vendimin e Shkallës së parë Anti-Korrupsion, e cila e la në burg Tushen, duke pranuar kërkesën e SPAK që e akuzon atë për shpërdorim detyre.
Tushe kërkon në Apel një masë më të butë sigurie, pasi sipas tij, nuk ka prova që e implikojnë atë në abuzimin me tenderin për 240 milion lekësh, për rehabilitimin e kanalit vaditës.
Kërkesë për masë më të butë sigurie Apelit kanë bërë edhe 10 zyrtarët e tjerë të ndaluar me Tushen, të cilët u vunë në pranga rreth një javë më parë, pasi SPAK ka ngritur ndaj tyre tre akuza, atë të ‘Falsifikimit të dokumenteve’, shpërdorimit të detyrës’ dhe ‘abuzimit me tendera publike’.