Kaosi për shkak të Covid që shpërtheu te Spezia ka ndodhur për shkak të vendimit të dy lojtarëve, që vendosën të mos vaksinohen. “Ne morëm dozën e parë të vaksinës. Dy futbollistë nuk dëshironin të bënin vaksinën dhe konsiderohen no vax, duke krijuar një ‘cluster’ të vogël nga pikëpamja klinike. Për fat të mirë, të gjithë djemtë janë mirë. Të gjitha klubet po vazhdojnë me vaksinat”, zbuloi për Radio Punto Nuovo Profesor Vincenzo Salini, mjek i klubit dhe anëtar i komisionit mjekësor FIGC.
“Të mos grumbullohen lojtarët no-vax? Kjo varet nga klubet, megjithatë është një përqindje e ulët. Unë mendoj se ky aspekt i shtyn lojtarët edhe më shumë për t’u vaksinuar. Lojtarët e vaksinuar dolën pozitivë sepse nuk kemi mbulim të plotë me dozat e dyta. Një lojtar nga dy që nuk kanë bërë vaksinën doli pozitiv dhe të tjerët të vaksinuar e kishin bërë prej shumë pak kohe dozën e parë për të qenë të mbuluar, “shpjegoi ai.
“Si Komision Mjekësor FIGC kemi një protokoll më të lehtë sepse parashikon vaksinimin. Ne po punojmë për të sjellë spektatorë në stadiume. Unë kam besim sepse numrat e të shtruarve në spital janë të ulët dhe ata që shkojnë në spital janë të pavaksinuar. Unë jam i sigurt që Spezia, pas dozës së dytë, nuk do të ketë më probleme. Lojtarët duhet të vaksinohen, por ne mund të bëjmë vetëm punë bindëse”, përfundoi ai.
Ju shkerdhefsha robt megjithe vaksina