Një nxënës 16-vjeçar në Singapor është akuzuar për vrasjen e një shoku student, një ngjarje që ka tronditur vendin. Oficerët e policisë të thirrur në një shkollë të mesme të hënën gjetën trupin e një djali 13-vjeçar në një banjë. Një sopatë u sekuestrua në cilësinë e provës. Hetimet fillestare zbuluan se dy djemtë nuk e njihnin njëri-tjetrin.
Dhuna ekstreme në shkolla në Singapor është shumë e rrallë, pasi vendi njihet për nivelet e ulta të krimit në botë. Nga ngjarja që ndodhi, e gjitha shkolla u fut në izolim, pasi autoritetet policore morën në pyetje të gjithë stafin dhe nxënësit.