• |
ide | kryesore

Mediat zvicerane, jehonë garës së çmendur të “Lambos” dhe BMW-së në rrugët shqiptare

-Instant, Arkiva, Lajme, Të fundit

Gara e çmendur me 225 km/h e fiksuar nga kamerat e policisë së shtetit në autostradën Fier – Vlorë ka bërë xhiron e medieve zvicerane. Shkak është bërë se të dyja automjetet kishin targa të Zvicrës, por drejtoheshin nga 2 qytetarë nga Kosova.


Gazeta “Blick” shkruan se Lamborghini rezulton e marrë në një kompani që jep makina luksoze me qira. Pronari i kompanisë i tha gazetës se ishte me pushime dhe se nuk kishte dijeni për incidentin e regjistruar në Shqipëri.


Ndërsa, makina BMW rezulton në pronësi të një kompanie pastrimi në Zvicër dhe 36-vjeçari që u kap në timon ishte punonjës aty. Pronari i kompanisë është shprehur se punonjësin tashmë e pret shkarkimi. Të dy qytetaret e Kosovës nuk i ndalën policisë, por u bllokuan nga një postbllok tjetër në afërsi të Vlorës.

Drejtuesi i Lamborghinit, një 40 vjeçar banues në Zvicër, u ndëshkua me 168 mijë lekë për tejkalim e garë shpejtësie, udhëtim pa targa dhe mos bindjen ndaj policisë. Ndërkohë, drejtuesi i BMW u ndëshkua me 120 mijë lekë gjobë për tejkalim dhe garë shpejtësie. ©LAPSI.al

1 Comment

Lini një Përgjigje

Adresa juaj email s’do të bëhet publike.

Kthehu