Një valixhe e braktisur ka alarmuar policinë e Tiranës. Sipas bluve të kryeqytetit valixhja është konstatuar në një trotuar në rrugën “Sulejman Delvina”.
Menjëherë është vendosur perimetri i sigurisë dhe janë njoftuar forcat xheniere, për të bërë shpërthimin e kontrolluar.
“Me datë 26.07.2021, në rrugën “Sulejman Delvina”, shërbimet e Policisë kanë konstatuar në trotuar një valixhe të braktisur.
Menjëherë pas konstatimit është vendosur perimetri i sigurisë dhe është bërë njoftimi i forcave xheniere për veprime të mëtejshme”, thuhet në njoftimin e policisë.
Grupi hetimor punon për sqarimin e rrethanave të ngjarjes.