• |
ide | kryesore

Gjykata e Madrid ‘shpëton’ Juve-Barça-Real: “Do të vazhdojmë projektin, pozicioni i Uefa-s dëmton futbollin”

-Instant, Sport



Juventus, Barcelona dhe Real Madrid vlerësojnë vendimin e Gjykatës së Madridit për të ndaluar procedurat disiplinore nga UEFA kundër klubeve që i përkasin Super League, duke njoftuar rifillimin e projektit: “Ne jemi të lumtur që nuk do të jemi më objekt i kërcënimeve të UEFA-s – shkruhet në një shënim të përbashkët -. Qëllimi ynë është të vazhdojmë zhvillimin e projektit në mënyrë konstruktive dhe bashkëpunuese”.

KOMUNIKATA

FC Barcelona, Juventus dhe Real Madrid CF shënojnë me kënaqësi vendimin e gjykatës së Madridit për të konfirmuar detyrimin e UEFA-s për të ndërprerë veprimet e ndërmarra kundër klubeve themeluese të Super League Europiane, përfshirë procedurat disiplinore kundër tre klubeve dhe heqjen e dënimeve dhe kufizimeve të vendosura ndaj nëntë klubeve të tjera për të shmangur procedurat disiplinore të UEFA-s.

Gjykata pranoi kërkesën e bërë nga promotorët e Super League, hodhi poshtë apelin e UEFA-s dhe konfirmoi njoftimin për UEFA-n se, nëse kjo e fundit nuk pajtohet me vendimin, do të lindin gjoba dhe përgjegjësi penale. Rasti do të vlerësohet nga Gjykata Evropiane e Drejtësisë, e cila do të analizojë pozicionin monopol të UEFA-s mbi futbollin evropian.

Është detyra jonë të merremi me problemet serioze me të cilat përballet futbolli. UEFA është akredituar si ligjvënëse, operator ekskluziv dhe mbajtës i vetëm i njohur i të drejtave të kompeticioneve evropiane, si dhe organizatore. Ky pozicion monopolistik dhe në konflikt interesi dëmton futbollin dhe balancën e tij konkurruese. Siç është demonstruar mjaftueshëm, kontrollet financiare janë të papërshtatshme dhe janë aplikuar në mënyrë jo të duhur. Klubet që marrin pjesë në garat evropiane duhet t’i garantohet administrimi i kompeticioneve.

Jemi të lumtur që, tani e tutje, nuk do t’i nënshtrohemi më kërcënimeve aktuale të UEFA -s. Qëllimi ynë është të vazhdojmë zhvillimin e Projektit të Super League në një mënyrë konstruktive dhe bashkëpunuese, duke u mbështetur në kontributin e të gjithë aktorëve të futbollit: tifozëve, lojtarëve, trajnerëve, klubeve, ligave dhe federatave kombëtare dhe ndërkombëtare. Jemi të vetëdijshëm se disa elementë të propozimit tonë mund të rishikohen dhe, natyrisht, mund të zbatohen përmes dialogut dhe konsensusit. Ne mbetemi të sigurt në suksesin e këtij projekti, i cili gjithmonë do të respektojë legjislacionin e Bashkimit Evropian.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *