Një 58-vjeçar ka rënë në prangat e policisë së Vlorës, pasi dyshohet se është autori i plagosjes me armë gjahu të një 55-vjeçari. Sipas policisë ngjarja ka ndodhur për motive të dobëta në vendin e quajtur “Lumi i Kripës” në afërsi të fshatit Dëllënjë. I plagosur ka mbetur Viktor Hyso, ndërsa dyshohet se autor është 58-vjeçari Sotir Gjonçari.
Ndërkohë është sekuestruar arma e gjahut çifte , ndërsa 58-vjeçari autor i ngjarjes është shoqëruar në polici.