Denis Demiri, i dënuar me 25 vite burg për vrasjen e biznesmenit Memli Begalla në shkurt të 2018-ës është lënë i lirë.
Shkak është bërë vendimi i Gjykatës së Apelit të Tiranës që rrëzoi vendimin e Gjykatë së Shkallës së Parë dhe ktheu dosjen për rigjykim.
Avokati i Demirit, Sokol Tahiraj dorëzoi kërkesë për shuarjen e masës “arrest me burg” të dhënë për të akuzuarin për shkak të tejkalimit të afateve. Kjo kërkesë është pranuar dhe Denis Demiri është lënë i lirë.
25 vite burg kishte vendosur Gjykata e Posaçme kundër Krimit dhe Korrupsionit për Denis Demirin i përfshirë në vrasjen e Memli Begallës në 14 shkurt 2018 në Bllok. Ndërsa për të dyshuarin tjetër si i përfshirë në atë ngjarje Ardian Serezin prokuroria pushoi hetimet, por gjykata vendosi të rihetohet roli i tij.
Begalla u ekzekutua teksa ishte duke u kthyer në shtëpi kur një person iu afrua dhe e qëlloi me një plumb në kokë. Pas analizimit të kamerave të sigurisë në zonë, por materialeve hetimore, në prangat e policisë ranë pak ditë pas ngjarjes Denis Demiri dhe Ardjan Serezi.
Në atë kohë vrasja e Memli Begallës u lidh me një sasi prej 1 ton drogë që u sekuestrua në Tepelenë, ku në 2014 u arrestua Ardian Serezi si dhe me disa borxhe të pashlyera nga ana e ish-biznesmenit. ©LAPSI.al
REFORMA NE DREJTESI= NJE MUT I MADH?????