• |
ide | kryesore

Kush është “Babagjyshi” që tentoi arratisjen me çarçaf me Arbër Çekajn nga burgu 313

-Instant, Arkiva, Lajme, Të fundit

Fatmir Pjetri ishte një nga të dënuarit që tentoi arratisjen përmes çarçafit nga burgu 313.


Ai së bashku me Arbër Çekajn kanë shfrytëzuar momentin e ajrosjes dhe më pas kanë tentuar të hidhen në shesh pushimin e hyrjes së administratës.


Por tentativa e tyre ka rezultuar pa sukses. Ata tashmë do të përballen me akuzën e tentativës së largimit nga vendi vuajtjes së dënimit.

Fatmir Pjetri, i njohur ndryshe me nofkën “Babagjyshi” u ekstradua në shtator të vitit 2019 nga Amsterdami/Holandë drejt vendit tonë.

Ai ishte shpallur në kërkim ndërkombëtar pasi Gjykata e Shkallës së Parë për Krimet e Rënda Tiranë me vendimin penal të vitit 2018, e ka dënuar me 30 vjet burg për veprat penale “Vjedhja me armë e kryer në bashkëpunim”, “Grupi i strukturuar kriminal” dhe “Kryerja e veprave penale nga organizata kriminale dhe “Grupi i strukturuar kriminal”.

Fatmir Pjetri ka qenë pjesë e një grupi kriminal (Babagjyshët) që gjatë periudhës Janar-Dhjetor të vitit 2013 dhe në vazhdim, në qytetet e Tiranës, Laçit, Fushë-Krujës, Kuçovës dhe Durrësit kanë grabitur me armë disa argjendari në këto qytete.

Disa nga episodet:

Në datë 28.09.2013 është vjedhur me armë argjendaria e shtetasit A. B., në Kuçovë;

Në datë 05.11.2013 është vjedhur me armë argjendaria e shtetasit S. R., në Laç;

Në datë 25.11.2013 është vjedhur me armë argjendaria e shtetasit P. B., në Fushë-Krujë;

Në datë 24.12.2013 është vjedhur me armë argjendaria në një qendër tregtare në Tiranë.

Si rezultat i bashkëpunimit të Interpol Tiranës me Interpol The Hague, u bë i mundur arrestimi i tij në Hollandë, duke u finalizuar me ekstradimin drejt vendit tonë.

 

Lini një Përgjigje

Adresa juaj email s’do të bëhet publike.

Kthehu