Policia ka dhënë detaje lidhur me një plagosje të ndodhur mbrëmjen e kësaj të premteje në Ksamil të Sarandës.
Ngjarja ka ndodhur rreth orës 20:45, kur një 33-vjeçar është plagosur brenda dhomës së tij të hotelit.
Uniformat blu thonë se 33-vjeçari ka shkuar vetë në spitalin e Sarandës për të marrë ndihmë mjekësore i prezantuar me emrin Taulant.
Për momentin ai ndodhet në operacion për nxjerrjen e plumbit nga barku.
Rrethanat e ngjarjes janë edne të paqarta, por shërbimet e Policisë dhe grupi hetimor kanë shkuar menjëherë në vendngjarje.
Janë shoqëruar nga Policia deri në këto momente 7 persona për tu marrë në pyetje në lidhje me rrethanat e ngjarjes. Dyshohet për një konflikt mes disa personave nga Lezha. ©LAPSI.al