Një aksident i rëndë ndodhi në pasditen e së dielës në aksin rrugor Elbasan-Peqin, në afërsi të fshatit Vidhas.
Një mjet tip “Opel” me drejtues shtetasin B.P., 42 vjeç, banues në fshatin Gostimë, Cërrik, është përplasur kokë më kokë me mjetin tip “Volkswagen “, me drejtues shtetasin R.U., 46 vjeç, banues në Elbasan.
Si pasojë e aksidentit janë plagosur të dy drejtuesit e mjeteve të cilët u transportuan në Spitalin Rajonal Elbasan dhe ndodhet jashtë rrezikut për jetën. Policia thotë se grupi hetimor po punon për zbardhjen e shkakut të aksidentit.