Kanë shënuar një rritje të frikshme infektimet me koronavirus në vendin tonë, duke u dyfishuar nga një ditë më parë.
Ministria e Shëndetësisë raporton se në 24 orët e fundit kanë rezultuar pozitivë me virusin e rëndë 451 qytetarë, nga 200 raste që ishin ditën e djeshme.
Gjithashtu, në këto 24 orë e kanë humbur betejën me virusin Covid-19 edhe dy të infektuar, ndërsa janë shëruar 55 qytetarë, duke e çuar numrin e të shëruarve në 130,755 që nga fillimi i epidemisë.
Sipas MSH, “Aktualisht janë 3375 pacientë aktivë me Covid-19 në të gjithë vendin. Në Spitalin Infektiv po marrin trajtim 54 pacientë”.