Masa e stadiumeve të mbyllura për të frenuar përhapjen e koronavirusit, e miratuar në pesë kampionatet kryesore evropiane në dy sezonet e fundit, ka privuar klubet nga 2.5 miliardë euro të ardhura nga “dita e ndeshjes”. Kjo është ajo që del nga një studim i KPMG. Që nga pranvera 2020, kompeticionet u pezulluan për një periudhë dhe ato të rinisura e kanë mbyllur vitin me stadiume të zbrazëta, duke zvogëluar në 27% numrin e ndeshjeve me publik në sezonin 2019/2020 në Angli, Gjermani, Spanjë, Itali dhe Francë.
Kjo solli në “një rënie të konsiderueshme të të ardhurave të grumbulluara në një ditë të vetme ndeshjeje (të ardhura nga biletat, sponsorët, marketingu, furnizimi me ushqim)”. Impakti ishte më i fortë në Bundesliga, kampionati me numrin më të lartë mesatar të shikuesve për ndeshje në botë (42,000), me 157 milionë euro humbje për 18 klubet, ndërsa Ligue 1, me një mesatare spektatorësh prej 23,000 spektatorësh për ndeshje, ka humbur tre herë më pak (48 milionë).
Në nivel klubesh, dhe në terma absolutë, Barcelona dhe Real Madrid ishin më të prekurit, me humbje prej 39 dhe 35 milionë euro. Si rezultat, të ardhurat e tyre ishin 136 dhe 120 milionë.
Sezoni 2020/2021 u zhvillua pothuajse plotësisht me dyer të mbyllura në pesë vendet dhe KPMG vlerëson një humbje totale prej “mbi 2 miliardë euro” për këtë vit financiar. Firma e auditimit beson se sezoni që sapo ka filluar do të ofrojë vetëm një rikuperim të pjesshëm të këtyre humbjeve. Kornizat rregullatore janë shumë të ndryshme dhe ka të ngjarë të ndryshojnë sipas vendeve, ku Anglia lejon stadiume me kapacitet të plotë, Spanja lejon vetëm 40% pjesëmarrje dhe Serie A italiane 50%.