Shefja për të drejtat e njeriut e Kombeve të Bashkuara, Michelle Bachelet, thotë se ka pranuar raporte të besueshme që tregojnë për krime dhe shkelje serioze të të drejtave të njeriut nga ana e talibanëve në Afganistan.
Sipas saj, në këto raporte thuhet se ata po kryejnë ekzekutime masive të civilëve dhe po kufizojnë të drejtat e grave.
Bachelet i kërkoi Këshillit të OKB -së për të Drejtat e Njeriut që të krijojë një mekanizëm për të monitoruar nga afër veprimet e talibanëve.
Ajo u bëri thirrje talibanëve që të angazhohen për respektimin e të drejtave të grave dhe vajzave si dhe pakicave etnike dhe fetare, dhe të përmbahen nga aktet e hakmarrjes.
Këshilli i OKB -së për të Drejtat e Njeriut mbajti më 24 gusht një takim emergjent me kërkesë të Pakistanit dhe Organizatës për Bashkëpunim Islamik.
Takimi mbahet derisa trupat amerikane po shtojnë përpjekjet për të evakuuar mijëra njerëz nga Kabuli, pasi më parë talibanët paralajmëruan se evakuimet mund të vazhdojnë vetëm edhe për një javë.
“Unë fuqishëm i nxis talibanët që të miratojnë normat e qeverisjes së përgjegjshme dhe të respektojnë të drejtat e njeriut” tha Bachelet në Këshill.
Talibanët e sunduan Afganistanin midis viteve 1996 dhe 2001. Ata nuk i lejuan gratë të punonin, vajzat nuk lejoheshin të ndiqnin shkollën dhe gratë duhej të mbulonin fytyrat dhe të shoqëroheshin nga një i afërm mashkull, nëse donin të dilnin nga shtëpitë e tyre.
Ato që shkelën rregullat ndonjëherë u dënuan me rrahje publike nga policia fetare e talibanëve.
Pasi morën kontrollin e Afganistanit pas 20 vjetësh të prezencës së huaj ushtarake, talibanët tani janë nën vëzhgimin e udhëheqësve perëndimorë nëse kanë ndryshuar, përfshirë edhe mënyrën se si i trajtojnë vajzat dhe gratë.
Shumë vende dhe organizata kanë shprehur dyshime në lidhje me premtimet e talibanëve se kësaj rradhe do të sundojnë ndryshe./rel
Falenderoni administraten amerikane per kete
Thank you U.S!
God bless U.S.
😀
Zyrtatet e OKB dhe te tjere ne perendim, kane filluar te shijojne benefitet nga situata si kjo ne lidhje me Afganistanin. Papritur u kujtuan se paska shkelje, a thua ne 20 vite nuk kishte. Shkelja me e madhe qe pushtimi i nje vendi ashtu per qef. Por tani kane filluar te ngrejne zerin ne menyre per te mbledhur mijra dollare pagesa e dieta meqe u rihap fronti i afganistanit. Sherbimet e inteligjences do kapin majat me financime, pasi do perballen me kerenimin ne “rritje te terrorizmit”apo rikthimit te fuqishem te “al qaeda “. Gjithe kjo makineri propogande per te mbajtur me pagesa disa dhjetra mije zyrtare te paafte e te korruptuar ne SHBA, BE dhe satelitet e tyre super servile anembame botes, perfshire ballkanin.
besoj se kto jan rrenat shabllone ne ksi rastesh por besoj se krimet amerikane jan shum me te mdhoja duke fillu me bombat neper xhamia neper dasma neper shkolla etj.