Max Allegri përpiqet t’i japë skuadrës një shkundje pas humbjes në shtëpi me Empolin: “Ekipi filloi mirë, pastaj në daljen e parë të gabuar pësuam gol dhe u shpërbëmë – shpjegoi trajneri i Juventusit për Dazn. -. Vrapuam shumë kot dhe e lamë veten në duart e Empolit, që me fushën të lirë bëri qejf. Duhet më shumë qetësi e durim. Duhet të luajmë si ekip dhe jo individualisht. Ka shumë kohë për të rikuperuar, por ne duhet të gjejmë kompaktësinë. Ky është një grup i vlefshëm dhe ngadalë do të shfaqet, këto dy hapa të gabuar edhe mund të na bëjnë mirë”.
Për trajnerin toskan, arsyet e mbrëmjes së keqe duhet të gjenden, mbi të gjitha, në qëndrimin nervoz dhe frenetik të ekipit të tij pasi kaluan në disavantazh: “Shumë krosime? Jo, sepse ata linin hapësirë në krahë, por ne duhej ta sulmonim më mirë zonën. ishim frenetikë dhe gabuam shumë teknikisht. Nuk duhet humbur kurrë rregulli, edhe kur je në disavantazh. Shumë lojtarë bënë gabime që zakonisht nuk i bëjnë, duhet absolutisht të përmirësohemi. Po i kuptojmë gjërat një nga një, sigurisht që na vjen keq që kemi humbur 5 pikë. Tani do të përgatitemi në mënyrën më të mirë të mundshme për një muaj të rëndësishëm, me shumë përplasje të drejtpërdrejta.
Sidoqoftë, besimi mbetet i lartë: “Nuk është Juventus më pak i fortë që kam stërvitur, është plot me talente të rinj. Duhet të gjejmë ekuilibrin dhe të mos e teprojmë shumë me bujarinë, më vjen keq për djemtë sepse ata ishin vërtet zemërthyer. Nuk mund të arrish nga 0 në 10 menjëherë, duhet të rritemi në mënyrë që të na vijnë edhe episodet e favorshme. Por gjithçka duhet të bëhet pa ankth, përndryshe është më keq. Locatelli? Gjendja e tij po përmirësohet dhe do të jetë më mirë pas pushimit. Por mesfusha më dha shenja pozitive, Danilo luajti mirë dhe kurrë nuk e humbi orientimin, siç bënë Bonucci dhe Cuadrado. Lojtarët e rinj gjithashtu duhet ta bëjnë këtë. ”
Duke u kthyer te lamtumira e CR7, Allegri tentoi ta mbyllte përfundimisht diskutimin: “Nuk mendojmë më për të, unë kam një grup të shkëlqyer, si gjithmonë ka punë për të bërë pa menduar se fitoret mund të vijnë vetëm sepse ne jemi Juventus. Unë kam gjithmonë besim, kam një grup me vlera të rëndësishme dhe do të shpërfaqemi”.