Një makinë është përfshirë nga flakët në Yzberitsht, Tiranë. Në momentin e parë qytetarë kalimtarë dhe ata të lokaleve pranë kanë hedhur ujë mbi makinën. Në vendin e ngjarjes ka mbërritur edhe zjarrfikësja, si dhe forcat e policisë, të fundit këto që janë duke punuar për zbardhjen e plotë të ngjarjes.
Ndërkohë në këtë zonë për shkak të ngjarjes janë krijuar edhe radhë makinash, ndërsa dëshmitarët thanë se zjarrfikësja erdhi shumë vonë, por fatmirësisht nuk pati të lënduar.