• |
ide | kryesore

Messi, kërkon respekt: “Para se të fitonim Kupën e Amerikës na trajtonin si dështakë”

-Instant, Sport

Lionel Messi ngre zërin dhe kërkon respekt për Argjentinën, edhe më shumë pas një edicioni që e ktheu Kupën e Amerikës në Buenos Aires: “Fiton vetëm një skuadër. Arritja në finale nuk është një çështje e parëndësishme dhe nuk na e njohu askush, përkundrazi. Para se të ngrinim trofeun u trajtuam si të dështuar nga disa media”. Në intervistën për Espn, Pleshti shijon plotësisht suksesin: “Sot që kemi fituar Kupën e Amerikës është bukur. Ne gjithmonë mendojmë se jemi më të mirët dhe nuk jemi. Nuk ishim më të dobëtit se humbëm finalet, as më të mirët pasi fituam Kupën e Amerikës. Gjëja e rëndësishme është të japësh gjithçka në fushë”.


Messi vazhdon: “Na thanë se nuk e donim fanellën, na kërkuan të mos luanim më për ekipin kombëtar. Ne u përpoqëm të jepnim gjithçka. Ishim të parët që donim të ishim kampionë. Jo gjithçka mund të reduktohet në fiton ose humbet “.


Tani që është i qetë, numri 10 albiceleste zbulon se po e shijon plotësisht triumfin, edhe më shumë sesa ditët pas finales: “Nuk mund ta besoja. E kisha ëndërruar aq shumë, sa nuk e kuptova se çfarë po ndodhte. Ishte si një ëndërr, ishte një moment spektakolar, e shijova dhe tani edhe më shumë kur shoh fotot, sepse në atë moment isha totalisht i humbur, i paralizuar”.

Lini një Përgjigje

Adresa juaj email s’do të bëhet publike.

Kthehu