Tre ndeshje, nëntë pikë dhe ndeshja e parë e drejtpërdrejtë e fituar me një 2-0 të pastër. Fillimi i sezonit për Milanin e Piolit është pothuajse perfekt dhe në prag të kthimit të shumëpritur në Ligën e Kampionëve, skuadra kuqezi dhuroi një paraqitje të madhe kundër Lazios së Sarrit. Leao dhe Ibrahimovic nënshkruan tre pikët, me luksin e një penalltie të humbur nga Kessie në fund të pjesës së parë, por për të nënvizuar ishte aftësia për të anuluar pothuajse plotësisht fazën sulmuese të Lazios, duke i lënë Maignan një mbrëmje pushimi.
Një version brilant i Milanit nxjerr jashtë loje Lazion në duelin e parë të sezonit për Ligën e Kampionëve dhe vërteton një rritje që, për momentin, duket vërtet e pandalshme. Kuqezinjtë i vunë përfund kundërshtarët e tyre në të gjitha aspektet: lojë, agresivitet, intensitet e organizim. Di Leao në pjesën e parë hapi serinë e golave, Kessie humbi një penallti, ndërsa në pjesën e dytë Ibrahimovic u kthye në fushë pas dëmtimit, duke treguar edhe njëherë forcën me golin e shënuar në pjesën e dytë.
Milani mbetet në vendin e parë në renditje, e lë Interin prapa dhe e vendos veten në kushtet më të mira për t’u përballur me Liverpoolin të mërkurën dhe Juventus të dielën e ardhshme. Lazio humbi ndeshjen në mënyrën më të keqe dhe Sarrin për ndeshjen e ardhshme, duke qenë se u përjashtua për protesta pas fërshëllimës së fundit.