“Sigurisht, Barcelona nuk e ka më paparashikueshmërinë e kohës kur kishte Messin, por ata kanë lojtarë të tjerë në skuadër që kanë një rol shumë të rëndësishëm, si Frenkie De Jong ose Pedri. Ne jemi gati për çdo gjë, nuk mendoj se ata janë përkeqësuar shumë në krahasim me sezonet e fundit”. Është shfaqur i qetë në konferencë për shtyp Julian Nagelsmann, trajneri i Bayern Munich, në prag të debutimit të tij në Ligën e Kampionëve kundër katalanasve.
“Unë pres një ndeshje ndryshe në krahasim me 8-2 e dy sezoneve më parë. E para, sepse jemi ende në fazën e grupeve dhe pastaj sepse të dy ekipet kanë ndryshuar – tregohet i kujdesshëem portieri dhe kapiteni i bavarezëve, Manuel Neuer, gjatë konferencës për shtyp -. Nuk do të jetë një ndeshje tjetër si ajo në Lisbonë. Messi? Do të ketë lojtarë të rinj që duan të testojnë veten dhe ne kemi respekt për atë që do të luajë – përfundon ai. Barcelona nuk është absolutisht një ekip i dobët”.