Këngëtari Akon ka reaguar së fundmi për ndarjen nga jeta të aktorit Michael K. Williams.
Gjatë një interviste për “TMZ” , Akon ka rrëfyer se aktori i cili u gjet i vdekur në moshën 54 vjeçare si pasojë e mbidozës me drogë është një tjetër shembull se çfarë mund t’i bëjë njeriut ajo që njihet si ‘fasada e suksesit’.“Kjo punë krijon një rreth, në të cilin të gjithë mbajnë maska. Të famshmit dhe të pasurit kalojnë nëpër më shumë probleme sesa të varfrit.Është e vërtetë shprehja: “Më shumë para, më shumë probleme” deklaroi këngëtari. Gjithashtu ai u shpreh se cdo person që ka vartësi ndaj drogës duhet që të kërkojë ndihmë dhe të gjejë një mënyrë tjetër për t’u përballur me problemet e veta.