• |
ide | kryesore

Edhe Shehi kritika Bashës: Humbi zgjedhjet dhe nuk iku, bëri një kongres formal

-Instant, Arkiva, Lajme, Të fundit



Aleati i Lulzim Bashës në zgjedhjet e 25 prillit, Dashamir Shehi kritikoi kreun e PD, duke thënë se me humbjen e zgjedhjeve ai duhet te ishte larguar. Në emisionin “Opinion”, Shehi u shpreh se Lulzim Basha bëri një kongres formal, pasi në situatën ku ndodhet PD ky kongres duhet të ishte shtyrë.

“Kjo është një situatë e mbarsur në PD. Sidoqoftë mbaheshin nën suazën formale të disa rregullave. Kohët e fundit janë prishur edhe rregullat formale. Rregulli formal duhet të ishte, që kur humb zgjedhjet ikën. Basha edhe nga ana formale nuk i ka ndjekur ato statutet. Bëri një kongres formal, zgjidhi organe formale.

Unë mendoja që Basha duhet të shtynte kongresin, të hapte lojën për të gjithë palët. Çfarë bënë këta, atë që kanë bërë edhe më parë, zgjidhën disa organe formale. Një kongres që ka 6 mijë vetë nuk është kongres, është tallje. Një kongres që ka 500 vetë është tallje. Një kryesi që ka 40 vet është tallje me kryesinë. Këtu janë zhvlerësuar të gjithë.

Megjithatë kjo është ana formale e situatës, sepse situata është ndryshe. Kishte nevojë për tu hapur, të diskutonte ku kemi gabuar për 8 vjet. Kush është shtegu që mund të dalim. Në këto 8 vite kemi bërë një zig-zag pa logjike opozitare. Dualizmi brenda partisë ka qenë, vetëm ata që nuk merren me politike nuk e kuptojnë këtë. Kush thotë që punët kanë shkuar vaj tallen”, – tha Shehi.

 

Shehi foli edhe ne lidhje me vendimin e Bashës për të larguar nga grupi parlamentar themeluesin e PD, Sali Berisha. Sipas tij, Berishës i duhej lënë një shteg të largohej si kalorës, ndërsa shtoi se kthimi i Berishës do të ishte një grotesk politik.



8 Comments

  1. Dashi megjith respektin qe kam, po tregohesh naiv… Basha me kompani duhet të zhduket për leckash. Kurse Berisha duhet të rivendoset plotësisht.

  2. “vetem nje urdher presim”.

    “Presim prej teje që ta na thërrasësh jo te Partia Demokratike, se dihet kush është tani kryetar i PD, po para Kryeministrisë që ta rrëzojmë Edi Ramën.

    Nëse nuk rrëzohet paqësisht, jemi gati që t’i përgjigjemi thirrjes që i ke bërë gjyshit dhe babait tim, o burra të kapim armët!

  3. Dashi si perhere konseguent ne qendrimet e tij. Njeri me taban dhe jo sahanlepires apo trup pa kocka si shum te tjere. Kjo i ka kushtuar pasi nuk arrin dot te mare as pronat e familjes qe i ka te trashguara denbabaden pasi te dyja palet i fusin shkopinj nen rrota. Sikur te ishte pak jo shume finok sot do te gezonte mundin dhe djersen e ligjshme te paraardhesve.

  4. Basha eshte idiot i lig, por nese zgjidhja eshte risjellja e Berishes ne fuqi, PD nuk ja vlen te egzistoje me!

  5. Keni degjuar qe Dashi ka dhene dorheqjen nga partia e tij fantazem LZHK. Dini gje qe ka fituar ndonjehere LZHK? Kesaj i thone beni si them une e mos bene si bej une!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *