• |
ide | kryesore

Minatori i bllokuar për më tepër se 72 orë/ Drejtori i AKSEM: Është front i vështirë, po vijojmë kërkimet

-Instant, Lajme, Të fundit

Ndonëse kanë kaluar më tepër se 72 orë nuk ka ende asnjë gjurmë nga minatori 61-vjeçar i cili është zhdukur. Lidhur me kërkimet, Rrapush Tola, Drejtor i Autoritetit Kombëtar për Sigurinë dhe Emergjencat në Miniera shprehet se vijon puna për gjetjen e tij, por zona është e vjetër dhe rrezikon të shembet.


“Besoj jemi më afër mundësië për ta gjetur. Punohet me 3 turne pa ndërprerje. Është rreth 450 metra nga hyrja e galerisë fronti ku po zhvillohen kërkimet. Gjatë kohës që ne pastrojmë vazhdimisht masivi minerar shembet dhe këtë nuk mund ta kontrollojmë ne. Aktualisht po punojnë 4 persona sepse kaq është hapësira në front për të bërë të mundur gjetjen e minatorit”– u shpreh ai.


Minatori 61 vjeçar Muharrem Plaku, u bllokua në galerinë ku po punonte pasi një masiv minerar u shemb. Lidhur me këtë ngjarje të rëndë ditën e djeshme reagoi edhe Sindikata e Bashkuar e Minatorëve të cilët akuzuan qeverinë se nuk po i jepte vëmendjen e duhur këtij rasti.

2 Comments

Lini një Përgjigje

Adresa juaj email s’do të bëhet publike.

Kthehu