Cristiano Ronaldo i ka ofruar mbështetjen e tij Danny Hodgson, futbollistit anglez që aktualisht në gjendje kome në Australi, pas një agresioni. Lojtari 26-vjeçar i ECU Joondalup, në National Premier Leagues të Australisë Perëndimore, ishte duke festuar fundin e sezonit të premten kur dyshohet se u qëllua pas shpine kur hyri në stacionin e trenit në Perth.
Prindërit e tij, Nicola dhe Peter – raporton shtypi britanik – fluturuan në Australi për të qëndruar me djalin e tyre, pasi ai u dërgua në Spitalin Royal Perth në gjendje kritike dhe u vendos në koma artificiale pas operacionit urgjent. Hodgson mbetet në gjendje kritike, por tani është në një situatë të qëndrueshme.
Cristiano Ronaldo has sent a get-well message to Perth footballer Danny Hodgson, as he is still in critical condition. It is Hodgson's 26th birthday and his parents have shared a heartfelt message, and pictures of happier times. pic.twitter.com/5HMjYa2Xi4
— 10 News First Perth (@10NewsFirstPER) September 19, 2021
Ronaldo i ka ofruar kolegut të tij mbështetjen e tij në këto rrethana tragjike dhe shpreson të shohë Hodgson në Manchester kur të shërohet: “Përshëndetje Danny, sapo dëgjova për historinë tënde, shpresoj që të shërohesh së shpejti,” tha Ronaldo në një video. “Të ftoj të vish në një nga ndeshjet tona në Mançester, kështu që shërohu shpejt miku im. Bëj kujdes,” shtoi ai.