Një episod tjetër racizmi në stadium dhe përsëri viktima është një lojtar i Milanit. Pas Bakayoko dhe Kessie, të fyer nga tifozët e Lazios, këtë herë ka qenë radha e trishtë e Mike Maignan. Gjatë nxemjes para ndeshjes me Juventus, një person ka mallkuar dhe ofenduar portierin francez, duke e quajtur atë “zezak, majmun”. Juventus ka aktivizuar procedurat për të identifikuar personin përgjegjës.
Video e asaj që ndodhi, e marrë me smartphone nga shikuesit e tjerë dhe e nxjerrë në internet, shpejt u bë virale, duke krijuar një indinjatë të madhe. Edhe në të kaluarën sektori i ultrasve të Juventusit është mbyllur për episode raciste, në tetor 2018 për koret drejtuar Koulibaly. Megjithatë, dy vjet më parë, klubi kishte identifikuar dhe dëbuar një tifoz që kishte ofenduar kujtimin e Torinos së madhe. Tani me ndihmën e kamerave, Juve shpreson t’i japë të njëjtin fund tifozit racist.
Another video of Maignan being racially abused before the Juventus matchpic.twitter.com/KHDN7CRgsj
— Milan Eye (@MilanEye) September 20, 2021
KOMUNIKATA E MILAN
“Përshëndetje të gjithëve, ne do të donim të theksonim se në lidhje me fyerjet e mjerueshme raciste të drejtuara ndaj Mike Maignan në castet para ndeshjes Juventus-Milan, Klubi kuqezi dje ka kontaktuar menjëherë me Juventusin, i cili tashmë kishte filluar procedurat e hetimit për të identifikuar përgjegjësit”.