• |
ide | kryesore

Borrell takohet me udhëheqësit e Ballkanit: Të angazhohemi më fort për anëtarësimin

-Instant, Lajme, Të fundit

Përfaqësuesi i Lartë për Punët e Jashtme dhe Politikën e Sigurisë/Nënkryetari i Komisionit Evropian Josep Borrell organizoi një darkë joformale me udhëheqësit e Ballkanit Perëndimor të martën në Nju Jork, në prag të Asamblesë së Përgjithshme të Kombeve të Bashkuara (UNGA).


Ky ishte takimi i dytë i tillë i organizuar nga Përfaqësuesi i Lartë, pas darkës joformale në Bruksel në maj. Përfaqësuesi i Lartë dhe udhëheqësit e Ballkanit Perëndimor patën një shkëmbim të hapur mbi situatën në rajon dhe marrëdhëniet BE-Ballkani Perëndimor. Gjithashtu u fol për Samitin e ardhshëm BE-Ballkan Perëndimor, muajin e ardhshëm.


Borrel siguroi një mundësi për të diskutuar pritjet për pranimin në BE. Përfaqësuesi i Lartë/Nënkryetari, nënvizoi nevojën për një angazhim të fortë si nga partnerët e Ballkanit Perëndimor ashtu edhe nga Bashkimi Evropian dhe Shtetet Anëtare për të kapërcyer dinamikat aktuale dhe për të çuar procesin përpara.

Në këtë takim morën pjesë, Presidenti i Malit të Zi Milo Đukanović, Presidenti i Maqedonisë së Veriut Stevo Pendarovski, Kryetari i Presidencës së Bosnjës dhe Hercegovinës Željko Komšić, Presidentja e Kosovës Vjosa Osmani, Kryeministri i Shqipërisë Edi Rama si dhe Ministri i Jashtëm i Serbisë Nikola Selakoviç.

 

2 Comments

  1. Nuk përmbahet dot/ I moshuari “betohet” para Berishës: Mos vdeksha pa të parë edhe njëherë në krye të PD-së

Lini një Përgjigje

Adresa juaj email s’do të bëhet publike.

Kthehu