• |
ide | kryesore

Gjykata lë në burg 8 të arrestuarit për tenderin e uniformave të policisë

-Instant, Arkiva, Lajme, Të fundit

Gjykata e Posaçme kundër Krimit të Organizuar dhe Korrupsionit ka vendosur të lërë në fuqi vendimin e Apelit për lënien në burg të 8 ish-zyrtarëve që abuzuan me tenderin e uniformave të policisë.


Gjyqtari i GJKKO Erion Bani ka lënë në fuqi vendimin e datës 30 korrik të apelit dhe ka refuzuar kërkesën për lirim nga burgu të 8-ish zyrtarëve, pjesë e skanalit me abuzimin e tenderit për uniformat e policisë. Gjatë javës së ardhshme GJKKO do të nis gjykimin për këtë çështje.


Pas hekurave ndodhen Edlira Naqellari, ish drejtoresha e Prokurimeve Publike, Flutura Çekrezi, anëtare e njësisë së prokurimit, Ani Omuri, anëtare i njësisë së prokurimit, Kleivis Hasani, anëtar i njësisë së prokurimit, Kreshnik Bejkaj, anëtar i Komisionit të Vlerësimit të Ofertave, Fatmir Demneri, anëtar i Komisionit të Vlerësimit të Ofertave, Mariglen Buzali, anëtar i Komisionit të Vlerësimit të Ofertave, Gëzim Mingaj, anëtar i Komisionit të Vlerësimit të Ofertave. Ndërsa Anisa Bogdani, anëtare e njësisë së prokurimit, është lënë në arrest shtëpie.

Policisë së Shtetit i mungojnë gati 239 mijë njësi për artikuj nga uniformat e policisë pavarësisht se ishte rënë dakord që t’i dorëzoheshin gati 726 mijë artikuj siç parashikonte edhe fondi limit dhe ku përfshihen njësi si kapelet , uniforma apo edhe këpucët dimërore, verore dhe këpucët e plazhit për efektivët që patrullojnë në plazh.

Kjo llogaritet si dëm ekonomik nga gjykata e posaçme dhe rëndon pozitën e nëntë të dyshuarve për skandalin e tenderit të uniformave, për të cilin u shpenzua 2 miliardë e 800 milionë lekë, por SPAK vërejti se veç shkeljes së barazisë në garë ka edhe abuzime të tjera që lidhen me cilësinë dhe sasinë e çështjeve policore.

2 Comments

  1. Prandaj çuditemi per cmimet e apartamente se kush i blen kaq shtrenjte. Apo kur shofim rrugeve makinat e fundit nga 50- 150 euro. Sa me shume paguajme taksa ne aq me i madh demi i korrupsionit.

  2. Ja qe drejtesi paska .
    Por vetem per cironka me rroge minimale.
    A thu se miliardat i kane ne dore rojet dhe pastrueset e institucioneve?

Lini një Përgjigje

Adresa juaj email s’do të bëhet publike.

Kthehu