Një 65-vjeçar u plagos sot në orët e para të mëngjesit në territorin e jashtëm të banesës së tij në fshatin Ngurrëz e Vogël në Lushnjë. Si pasojë e të shtënave ka mbetur i plagosur shtetasi Faik Veliu, i cili është dërguar në spital dhe ndodhet jashtë rrezikut për jetën.
Mësohet se shtetasi Faik Veliu është plagosur nga vëllai i tij Sami Veliu. Policia bëri të mundur kapjen e autorit të plagosjes. Autori u kap teksa ishte i fshehur në një plantacion me shegë bashkë me armën e zjarrit tip kallashnikov.