Pothuajse pesë vjet pas rrëzimit të aeroplanit që zhduku shumicën e ekipit të Chapecoense dhe pasagjerë të tjerë për një total prej 71 viktimash, policia braziliane arrestoi bolivianen Celia Castedo Monastero, e hetuar për katastrofën dhe e kërkuar që atëherë. Monastero ishte një specialiste në sigurinë e fluturimit dhe në atë kohë – thotë komunikata – në mënyrë manipulative nuk zbatoi kërkesat minimale procedurale për miratimin e planit të fluturimit. “Autonomia e paraqitur në program nuk ishte e përshtatshme për udhëtimin në fjalë, ashtu si për fat të keq epilogu tragjik e konfirmoi”.
Fluturimi LaMia 2933 u ngrit nga Aeroporti Ndërkombëtar Viru Viru me një orë vonesë, në drejtim të Medellin, në Kolumbi, ku nuk mbërriti kurrë, duke u rrëzuar pak para aeroportit për shkak të mbarimit të karburantit. Pas aksidentit, gruaja mbeti e arratisur në Bolivi, pasi për shkak të veprimeve të saj, 71 nga 77 personat në bord humbën jetën. Pas arrestimit, që ndodhi në Brazil në shtetin Mato Grosso do Sul, në kufirin me Bolivinë, Monastero do të qëndrojë në burg në Corumbrà deri në përfundimin e procedurave të ekstradimit drejt vendit të saj.