Mediat e huaja kanë raportuar së fundmi se aktori Tom Felton u nxor jashtë një fushe golfi pasi u rrëzua në një event përpara Kupës Ryder.
Sipas mediave, Tom u pa i ulur në dyshemenë e fushës së golfit Whistling Straits në Sheboygan, Wisconsin, i rrethuar nga konkurrentë të tjerë ndërsa një ekip mjekësor nxitoi drejt tij për ta ndihmuar atë. Në një deklaratë të dhënë nga ekipi i tij mbi gjendjen e aktorit, u tha se:”Në ndeshjen e sotme të famshme të Kupës Ryder, aktori dhe muzikanti Tom Felton përjetoi një incident mjekësor gjatë nxehjes para pjesëmarrjes në Evropë. Ai u transportua në një spital lokal për trajtim. Nuk ka detaje të tjera.”, thuhej në deklaratë.Felton po përfaqësonte Evropën në turne së bashku me ish-lojtarin profesionist , Teemu Selanne nga Finlanda.
