Edi Rama ka mbajtur një qëndrim krejt tjetër nga Presidentja e Bashkimit Europian, Ursula Von Der Leyen lidhur me “Ballkanin e hapur”. Ish ministrja e mbrojtjes në qeverinë Merkel, u shpreh qartë pro procesit të Berlinit dhe refuzoi ta përmende qoftë edhe një herë të vetme “Open Balkan”. Edhe kur u pyet në mënyrë të drejtpërdrejtë në konferencën për shtyp nga gazetaret Elja Zotka e Klan dhe Eksela Shehu, Euronews, ajo foli për mbështetje të çdo nisme rajonale që shkon përkrah Procesit të Berlinit, por vuri një kusht të panegociueshëm: “gjithëpërfshirjen”, pra ecejen së bashku të të gjashtë vendeve të Ballkanit perendimor dhe jo siç po ndodh me “Ballkanin e hapur”, i cili nuk pranohet nga Kosova, Mali i Zi dhe Bosnja.
Lexo me tej:
Merkel sfumon “Ballkanin e hapur”, Rama e shfrytëzon për të sulmuar Prishtinën
Aq këmbëngulëse ishte Ursula Von Der Leynden në insistimin për mos përkrahur nismën Vuçiç-Rama-Zaev dhe në mbështetjen për projekte gjithëpërfshirëse, sa e detyroi edhe kryeministrin Rama ta shpjegonte ngërçin e presidentes: “Ne i vëmë miqtë tanë mes dy zjarresh (duke iu referuar faktin që tre vende nuk e pranojnë nismën që mbështet ai) duke i detyruar të tregohen të kujdesshëm” tha Rama.
Open Balkan/ Mali i Zi kundër nismës Rama Vuçiç
Për të mbrojtur Ballkanin e hapur kryeministri tregoi edhe kritikat që ai ka ndaj Procesit të Berlinit për të cilin, Von Der Leynden tha se e mëbshtet plotësisht. “Me Procesin e Berlinit shkojmë nga samiti në samit dhe pwrparim nuk ka. Në 8 vite ne ende s’kemi mundur të heqim një mur me tarifa. Ende nuk kemi zhdukur barrierat për eksportuesit” tha ai.
Një problem tjetër sipas tij është edhe çështja e vetos që po bëhet pengesë edhe për BE-në. “Mjafton që një vend mos jetë dakord dhe iniciativat mbeten të ngrira. Në “Open Balkan” jemi në kushtet kur kush do firmos. Ne duam ta çlirojme procesin” këmbënguli Rama.
Programi i qeverisë/ Rama e në kthen propagandë për Open Balkan
Prandaj ai ndryshe nga presidentja e BE që foli për gjithëpërfshirje mbrojti tezën e pranimit gradual, kur secili shtet që bindet bëhet pjesë e nismës. “Ballkani i hapur” do të jete hapsira e hapur kur dikush vjen pak me shpejt, dikush pak me vonë”.
Vërejtja e tij e tretë ishte se drejtuesit e BE-së, Gjermanisë e Francës nuk kanë kohë të çohen çdo mëngjes nga gjumi me pyetjen se si eci sot Procesi i Berlinit. Atë duhet ta bëjmë ne vetë këtu në rajonin tonë: “Ballkani i hapur” mund të quhet i zoti e nxjerr gomarin nga balta”.
Për këtë çështje, që i ka ndarë më dysh vendet e gadishullit tonë Von Der Leyen shpenzoi shumë më pak kohë sesa i kushtoi Edi Rama në argumentimin e tij. Por ajo mbajti pak a shumë të njëjtin qëndrim si ai i para pak ditëve i kancelares Merkel, që nuk e përmendi asnjë herë “Open Balkan” dhe foli vetëm për nisma rajonale gjithëpërfshirëse.
©Lapsi.al
Moj tiii z e Europes do mendosh dhe veprosh siq thot lideri i Ballkanit apo sikter nga vendi i shejtanve???
Ishhalla s’po ve dore, se iu bene nja 2 gra brenda 1 jave (Merkel dhe V.d.Leyden)
I duron dot ato ai?!?!
Vuçiçi dërgon tanket në kufirin e Kosovës dhe kryetalebani global flet për open balkan.
Me sa duket do të çojë përpara urdhërin për minijugosllavi të kryepatronazhistit filantrop me çdo kusht.
provokim dhe diversion i Rames. sot kur duhej folur per agressionin serb, dhe ishte rasti qe serbia te sulmohej nos stop, provokeht dhe shmanget me open balkans
rama perpiqet te fuse nga dritarja ate qe eshte nxjerre nga dera nga BE
foshnarak, i parendesishem dhe i pakonsideruar nga BE
dhe ky do na fuse ne EU mendonit????
Open i Lindes.
Serbi u fut dje ne Organizaten e Shangait per Bashkpunim qe quhet ndryshe dhe SCO. Evropa Lindore do Shkoj drejt Lindjes dhe Perendimj po kthehet ne nje diktature hale
Mini shengen apo balkani i hapur eshte axhenda e soros ne ballkan dhe per Ranen ai eshte zoti ne toke prandaj nuk duron tia shani.