• |
ide | kryesore

Në makinë me një mësues, detaje të tjera nga përplasja me armë në Lezhë ku mbeti i vrarë polici Saimir Hoxha

Arkiva, Lajme, Të fundit



Lapsi.al mëson të tjera detaje nga ngjarja e rëndë në Lezhë, ku u ekzekutua oficeri i policisë, Saimir Hoxha. Gjithcka nisi paraditen e sotme, kur Hoxha bashkë me kolegët e tij po krehnin një zonë ku dyshohej për kultivim kanabisi. Gjatë patrullimit, pikasën një automjet ku udhëtonin tre persona. I bënë shenjë për të ndaluar.

Makina ndaloi fillimisht dhe shoferi me pasagjerin e ulur në vendin e parë zbritën. Shoferi mësohet se ishte një i ri me profesion mësues. Ndërkohë oficeri Saimir Hoxha iu afrua makinës për të parë pse nuk po dilte personi tjetër që ishte ulur në sediljen e pasme, Aldi Rama. Në këtë moment 21-vjeçari qëllon me armën e tij në drejtim të oficerit.

Sic mëson Lapsi.al, Aldi Rama, ishte aktualisht me masën e sigurisë “arrest shtëpie”, pasi ishte kapur nga policia kohë më parë për armëmbajtje të armëve të ftohta. Gjykata i kishte ndryshuar masën e sigurisë nga “arrest me burg” në “arrest shtëpie”.

Kohë më parë ai kishte vuajtur dënimin për përfshirje në trafikun e drogës. Sapo është qëlluar oficeri Saimir Hoxha, Aldi Rama mori makinën dhe nisi të largohej. Dy oficerët e tjerë që ishin aty kanë hapur zjarr ndaj tij disa herë. Shenjat e të shtënave kanë ngelur edhe në automjetin e tij. Por 21-vjecari i shpëtoi plumbave. Pas disa orësh rrethimi, i riu u vetëplagos me armën e tij. Në gjendje të rënë u transportua në spitalin e Traumës në kryeqytet. ©Lapsi.al



2 Comments

  1. Te gjitha jane trillime policie . derisa te ngeli vrsioni qe ata duan . Kuptohet me se miri qe eshte mosmarrveshje droge . te dy jane te perzier ne pisllik . Por policia do te dali e paster nga ky mut qe ka gatuar vete .

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *