Edin Dzeko është lojtari i parë, në sezonin e tij debutues me zikaltrit, që shënon të paktën gjashtë gola në shtatë ndeshjet e para të Interit në Serie A, duke nisur nga Ronaldo në sezonin 1997/98. Boshnjaku i ndryshoi fytyrës ndeshjen me Sassuolon, duke qenë vendimtar në fitoren e arritur në transfertë.
“Kam shënuar shumë gola, por nuk mbaj mend nëse kisha shënuar ndonjëherë në topin e parë të prekur, por ka gjithmonë një herë të parë për gjithçka – tha sulmuesi për mikrofonët DAZN – Kemi karakter dhe e kemi treguar. Sassuolo luan shumë mirë në futboll, por në fund rezultati është i vlefshëm dhe ne arritëm të fitonim edhe duke kaluar nëpër rrugën më të vështirë. Unë e di se sa mund të jap akoma, Interi e di dhe ka vendosur të më marrë për të shënuar gola. Lukaku? Unë nuk mendoj për të kaluarën, ne duhet të shikojmë gjithmonë përpara. Kampionati është i gjatë dhe ne duhet të vazhdojmë kështu”.