Rocco Commisso ngre flamurin e bardhë në lidhje me rinovimin e Dusan Vlahovic dhe e ka bërë duke u shkruan drejtpërdrejt tifozëve viola për të sqaruar situatën dhe hapat e ardhshëm. “Siç e dini Fiorentina i bëri një ofertë shumë të rëndësishme lojtarit, një propozim kontrate që do ta kishte bërë atë lojtarin më të paguar në historinë e Klubit – thuhet në letrën e presidentit -. Por pavarësisht përpjekjeve tona, propozimi për rinovimin nuk u pranua “. “Për mua dhe Fiorentinën, gjithçka që mbetet është të marrim parasysh vullnetin e lojtarit – vazhdon ai -. Së shpejti do të gjejmë një zgjidhje të realizueshme dhe adekuate”.
Pas refuzimit të qendërsulmuesit serb duket se qendron Juventus, me klubin bardhezi që ende po kërkon formulën e duhur për të kënaqur Fiorentinën, duke patur parasysh pasivin në bilancin e 30 qershorit 2021. Kjo është arsyeja pse hipoteza çon në dy udhëkryqe: njëra që ndjek atë që kishte qenë formula për marrëveshjen Chiesa, tjetra më ‘tradicionale’, me pagesën e kartonit të lojtarit pjesërisht në para, duke përdorur edhe lojtarë në shkëmbim. Në rastin e parë, do të ishte një huazim dyvjeçar me detyrimin e blerjes në verën e vitit 2023, në të dytin duke arritur vlerën prej 60 milionë eurosh përmes identifikimit të lojtarëve të pëlqyer nga Fiore.